‘Chaitanyaotsavam 2026’ – Trailer launch of films by three directors – a huge success at Sri Chaitanya Engineering College**

*శ్రీ చైతన్య ఇంజనీరింగ్ కళాశాలలో అట్టహాసంగా ‘చైతన్యోత్సవం 2026’ – ముగ్గురు దర్శకుల చిత్రాల ట్రైలర్ లాంచ్**

**ఖమ్మం:**
ఖమ్మం నగరంలోని ప్రముఖ విద్యాసంస్థ శ్రీ చైతన్య ఇంజనీరింగ్ కళాశాలలో విద్యార్థుల మేధస్సుకు, సృజనాత్మకతకు వేదికగా ‘చైతన్యోత్సవం 2026’ వేడుకలు అత్యంత ఘనంగా జరిగాయి. ఈ కార్యక్రమానికి కళాశాల పూర్వ విద్యార్థి, ప్రముఖ నటుడు, దర్శకుడు మరియు నిర్మాత తల్లాడ సాయికృష్ణ ముఖ్య అతిథిగా పాల్గొన్నారు. ఆయనతో పాటు సీనియర్ నటులు కిషోర్ దాస్, యువ దర్శకులు డా. వి. సతీష్, ప్రణయ్ రాజ్ హాజరై కార్యక్రమానికి ప్రత్యేక ఆకర్షణగా నిలిచారు. కళాశాల హెచ్.ఓ.డి. సుదర్శన్ గారు, ఇతర ప్రొఫెసర్లు అతిథులకు ఘన స్వాగతం పలికారు.

*మూడు చిత్రాల ట్రైలర్ లాంచ్*
ఈ ఉత్సవంలో భాగంగా తల్లాడ సాయికృష్ణ దర్శకత్వంలో తెరకెక్కిన ‘మ్యాజిక్ మూమెంట్స్’, డా. వి. సతీష్ దర్శకత్వంలో రూపొందిన ‘అవతారం’, ప్రణయ్ రాజ్ దర్శకత్వంలో వస్తున్న ‘ది ఫైనల్ కాల్’ సినిమాల టీజర్ లను విడుదల చేశారు.

తల్లాడ సాయికృష్ణ (నటుడు, దర్శకుడు, నిర్మాత) మాట్లాడుతూ…
“ఈ రోజు ఈ స్టేజ్ మీద నిలబడి మాట్లాడుతుంటే నాకు మాటలు రావడం లేదు. సరిగ్గా కొన్ని ఏళ్ల క్రితం ఇదే వేదిక మీద, మీలాగే ఒక విద్యార్థిగా నిలబడి నేను యాంకరింగ్ చేసేవాడిని. అప్పుడు మైక్ పట్టుకుని అనౌన్స్ చేసిన ఆ అబ్బాయే, ఈ రోజు మీ ముందు ఒక అతిథిగా నిలబడతాడని నేను కూడా ఊహించలేదు. ఈ కాలేజీ ప్రాంగణంలోనే నా మొదటి షార్ట్ ఫిలిమ్స్ షూట్ చేశాను. మీలో ఉన్న టాలెంట్‌ని ఎప్పుడూ తక్కువ అంచనా వేయకండి. మన కాలేజీ అడుగులు వేయడం నేర్పిస్తే, ఆకాశంలో ఎగరడం మన చేతుల్లోనే ఉంది. ప్రస్తుత కాలంలో ఎన్నో రంగాల్లో అవకాశాలు ఉన్నాయని చదువు నిర్లక్ష్యం చేయకుండా మీరంతా బీటెక్ పాస్ అయి వివిధ రంగాల్లో అభివృద్ధి చెంది, మన కళాశాలకు మన ప్రొఫెసర్లకు మంచి పేరు తీసుకురావాలని అన్నారు.

**కిషోర్ దాస్ (సీనియర్ నటులు):**
“అందరికీ నమస్కారం! ఇక్కడ ఉన్న యువత ఉత్సాహాన్ని చూస్తుంటే, నాకు నా కాలేజీ రోజులు కళ్లముందు కదలాడుతున్నాయి. నేను కూడా మీలాగే ఒకప్పుడు కలలు కనే విద్యార్థిని. ఆ రోజుల్లో మాకు ఇన్ని సౌకర్యాలు లేవు, కానీ ‘పట్టుదల’ మాత్రం ఉండేది. మీరు ఏ రంగంలో ఉన్నా, అందులో ‘బెస్ట్’ గా ఉండటానికి ప్రయత్నించండి. ఈ రోజు లాంచ్ అయిన మూడు సినిమాల ట్రైలర్లు అద్భుతంగా ఉన్నాయి. ఓటమి ఎదురైనప్పుడు కుంగిపోకుండా నిరంతరం నేర్చుకుంటూనే ఉండండి” అన్నారు.

**ప్రణయ్ రాజ్ (దర్శకులు):**
“ఏ రంగంలోనైనా రాణించాలంటే కేవలం తెలివితేటలు ఉంటే సరిపోదు, దానికి ‘ఓపిక’ చాలా ముఖ్యం. మనం అనుకున్న విజయం వెంటనే దక్కకపోవచ్చు, కానీ ఆ సమయంలో నిరాశ చెందకుండా ఓపికతో సరైన సమయం కోసం ఎదురుచూడాలి. ఆ ఎదురుచూపులో కూడా మనం నిరంతరం శ్రమిస్తూనే ఉండాలి. మనం ఎంతటి కష్ట కాలంలో ఉన్నా ఓపికను కోల్పోకుండా నిలబడితేనే, ఆ ఓపిక మనకు ఖచ్చితంగా గొప్ప విజయాలను అందిస్తుంది. ‘ది ఫైనల్ కాల్’ సినిమా కూడా ఇలాంటి పట్టుదలతోనే రూపొందింది” అన్నారు.

**వి. సతీష్ (దర్శకులు):**
“సినిమా అనేది టెక్నాలజీ మరియు ఎమోషన్స్ యొక్క కలయిక. మీరు ఇంజనీరింగ్ చదువుతున్నారు, అంటే రేపు మీరు ఏదైనా ఒక సమస్యకు కొత్త పరిష్కారం చూపించే ‘క్రియేటర్స్’ అవ్వబోతున్నారు. మన కాలేజీ రోజుల్లో మనం నేర్చుకునే క్రమశిక్షణే రేపు మనం చేసే పనిలో ప్రతిబింబిస్తుంది. సృజనాత్మకత (Creativity) తోడుంటే అద్భుతాలు సృష్టించవచ్చు. ఈ అవకాశం ఇచ్చిన కళాశాల యాజమాన్యానికి ధన్యవాదాలు” అన్నారు.

**సుదర్శన్ గారు (హెచ్.ఓ.డి.):**
“మా విద్యార్థి సాయికృష్ణ ఈ రోజు ఒక విజయవంతమైన దర్శకుడిగా తిరిగి రావడం మా కళాశాలకు గర్వకారణం. విద్యార్థులు చదువుతో పాటు సమాంతరంగా తమకు నచ్చిన రంగాల్లో రాణించవచ్చు అనడానికి సాయికృష్ణ ఒక ఉదాహరణ” అన్నారు.

కళాశాల యాజమాన్యం అతిథులను శాలువాలు, జ్ఞాపికలతో ఘనంగా సన్మానించింది.